Toshkent tibbiyot akademiyasi “Oilaviy tibbiyotda bolalar kasalliklari” kafedrasi va Rostov davlat tibbiyot universiteti (RostDTU), pediatriya va neonatologiya kafedrasi hamkorlikda rejalashtirilgan “Bolalar nefrologiyasini rivojlantirishning istiqbollari va muammolari” mavzusidagi xalqaro ilmiy-amaliy anjumani TTA Bosh binosi 401 majlislar zalida 7-mart kuni soat 09:00da bo’lib o’tdi. Anjumanda TTA «Bolalar kasalliklari propedevtikasi», «Bolalar kasalliklari» kafedralari, boshqa tibbiyot oliygohlari, tashkilotlarining yetakchi mutaxassislari, yetuk olimlari, professor-o‘qituvchilari, iqtidorli yoshlari hamda yosh tadqiqotchilari ishtirok etishdi. TTA, AQSH, Rossiya Federatsiyasi, ADTI vakillari moderatorlik qildilar. Ceksiyada of-line va on-line tarzda jami 100 dan ortiq qatnashuvchilar ishtirokida 15 ta ma’ruza taqdimoti bo’ldi. Anjuman jarayonida bolalar nefrologiyasining dolzarb muammolariga bagishlangan qiziqarli ma’ruzalar tinglandi va muxokama qilindi.
